ਤਰਸ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਤਰਸ (ਨਾਂ,ਪੁ) ਦਇਆ; ਕਿਰਪਾ; ਰਹਿਮ

ਤਰਸ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਤਰਸ [ਨਾਂਪੁ] ਰਹਿਮ, ਦਇਆ, ਮਿਹਰਬਾਨੀ, ਕਿਰਪਾ

ਤਰਸ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਤਰਸ. ਸੰਗ੍ਯਾ—ਕ੍ਰਿਪਾ. ਰਹਮ। ੨ ਸੰ. ਮਾਸ । ੩ ਫ਼ਾ.  ਡਰ. ਭੈ. ਸੰ. ਤ੍ਰਾਸ. “ਨ ਤਰਸ ਜਵਾਲ.” (ਗਉ ਰਵਿਦਾਸ) “ਖਸਮੁ ਪਛਾਨਿ ਤਰਸ ਕਰਿ ਜੀਅ ਮਹਿ.” (ਆਸਾ ਕਬੀਰ) ੪ ਸੰ. ਤ੄੗. ਅਭਿਲਾਖਾ. ਇੱਛਾ. “ਸਿਧ ਸਾਧਿਕ ਤਰਸਹਿ.” (ਧਨਾ ਮ: ੩) ੫ ਪਿਆਸ. ਤੇਹ. ਤਿਸ. ਤ੍ਰਿਖਾ। ੬ ਸਮੁੰਦਰ। ੭ ਬੇੜਾ. ਜਹਾਜ਼। ੮ ਸੂਰਜ । ੯ ਅ਼ ਤਰਸ਼. ਸੰਗ੍ਯਾ—ਹਲਕਾ (ਓਛਾ) ਪਨ। ੧੦ ਬਦੀ.

ਤਰਸ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਤਰਸ^* (ਸੰ.। ਸੰਸਕ੍ਰਿਤ ਤ੍ਰਾਸ। ਫ਼ਾਰਸੀ ਤਰਸ) ੧. ਡਰ , ਭੈ। ਯਥਾ-‘ਨ ਤਰਸੁ ਜਵਾਲੁ’। ਘਾਟੇ ਦਾ ਭੈ ਨਹੀਂ ।

੨. (ਪੰਜਾਬੀ) ਰਹਮ, ਦਇਆ। ਯਥਾ-‘ਤਰਸੁ ਪਇਆ ਮਿਹਰਾਮਤਿ ਹੋਈ’।

----------

* ਪੰਜਾਬੀ ਬੋਲਚਾਲ ਵਿਚ ਹੁਣ ਤਰਸ=ਰਹਮ ਨੂੰ ਕਹਿੰਦੇ ਹਨ ਤੇ ਤਰਸਨਾ=ਲੋਚਨ ਨੂੰ ਕਹਿੰਦੇ ਹਨ। ਇਸ ਦਾ ਮੂਲ ਸੰਸਕ੍ਰਿਤ ਪਦ ਤ੍ਰਿਖਾ ਹੈ, ਤ੍ਰਿਖਾ=ਤ੍ਰੇਹ। ਇੱਛਾ , ਲੋਚਾ ।